Justin Bieber rikthehet në skenën e finales fifa world cup 2026

Justin Bieber do të jetë një nga emrat më të mëdhenj që do të ngjiten në skenën e spektaklit të parë historik të pushimit mes pjesëve në finalen e Kupës së Botës FIFA 2026, që do të zhvillohet më 19 korrik në New York.

Ylli kanadez i bashkohet një liste mbresëlënëse artistësh, ku përfshihen Madonna, Shakira dhe supergrupi koreano-jugor BTS, duke premtuar një shfaqje që pritet të ndiqet nga miliona teleshikues në mbarë botën.

Programi artistik, që do të zgjasë 11 minuta, do të sjellë në skenë edhe Burna Boy, dirigjentin e njohur Gustavo Dudamel, korin PS22 në bashkëpunim me Coldplay, si dhe personazhet ikonike të Sesame Street.

Përveç spektaklit, eventi ka edhe një mision humanitar. Ai organizohet në mbështetje të FIFA Global Citizen Education Fund, një nismë që synon të mbledhë 100 milionë dollarë për financimin e arsimit të fëmijëve në mbarë botën.

“Kupa e Botës FIFA ka fuqinë të bashkojë njerëzit si asnjë aktivitet tjetër”, është shprehur Justin Bieber, duke ftuar publikun të bëhet pjesë e kësaj ngjarjeje.

Pjesëmarrja e tij vjen vetëm pak muaj pasi u rikthye në skenë me një performancë në festivalin Coachella, koncerti më i rëndësishëm i artistit në katër vitet e fundit. Rikthimi u konsiderua një moment i veçantë për fansat, pasi Bieber kishte ndërprerë aktivitetin muzikor për shkak të problemeve me shëndetin, duke anuluar turneun e tij “Justice”.