Bejta DISS GjestiT?

Këngëtari Bejta ka shkaktuar reagime me deklaratën e tij të fundit, pasi gjatë një interviste në emisionin “R Studio” në Radio Dukagjini foli hapur për disa nga emrat më të komentuar të muzikës shqiptare.

I pyetur nga moderatori Fis Juniku se cili artist, sipas tij, nuk e meriton suksesin që ka arritur, Bejta dha një përgjigje të drejtpërdrejtë duke përmendur emrin e Gjestit.

Megjithatë, artisti theksoi se mendimi i tij lidhet vetëm me aspektin muzikor dhe jo me marrëdhëniet personale. Ai u shpreh se ka respekt për Gjestin si person, por vlerësimi i tij lidhet vetëm me karrierën dhe muzikën.

Deklarata e Bejtës ka nisur menjëherë të diskutohet në rrjetet sociale, duke ndarë opinionet mes fansave të të dy artistëve.

Ndërkohë, Gjesti vazhdon të jetë një nga figurat më të përfolura të estradës shqiptare. Pas suksesit në Big Brother VIP Kosova 3 dhe më pas fitores së Big Brother VIP Albania 4, ai ka zgjeruar ndjeshëm publikun e tij dhe është kthyer në një nga emrat më të komentuar të skenës muzikore shqiptare.