mamaja jep Mesazhin e fundit të Oliver Tree

Nëna e këngëtarit Oliver Tree ka ndarë një rrëfim prekës për bisedën e fundit që pati me të birin, vetëm një ditë përpara aksidentit tragjik me helikopter në Rio de Janeiro, ku artisti humbi jetën.

Gjatë një ceremonie përkujtimore në Universitetin e Kalifornisë në Santa Cruz, Christine Begin Nickell tregoi se e kishte telefonuar Oliverin për ta pyetur nëse kishte hequr dorë nga duhani. Sipas saj, ai iu përgjigj me humor në FaceTime, por mbi të gjitha dukej i lumtur, plot energji dhe i emocionuar për projektet që e prisnin.

Ajo zbuloi se Oliver i kishte folur për planet për t’u izoluar në një shtëpi në majë të një mali, ku dëshironte të krijonte muzikë dhe përmbajtje për TikTok së bashku me miqtë e tij. Sipas nënës së tij, artisti ishte gjithmonë në kërkim të aventurave dhe momenteve që do ta frymëzonin.

Në aksidentin fatal humbën jetën edhe YouTuberi Gaspar “Gaspi” Prim, regjisori Lucas Vignale, producenti muzikor Lucas Brito Chaves, si dhe dy pilotët që drejtonin helikopterin.

Ceremonia përkujtimore mblodhi familjarë, miq dhe emra të njohur të industrisë së argëtimit, ndërsa fondet e mbledhura do të shkojnë për fondacionin “Oliver Tree for Baby Geniuses”, i krijuar për të mbështetur artistët e rinj.