Luizi rikthehet në ekran
Written by radio wave on August 4, 2026
Luiz Ejlli është gati për një rikthim të shumëpritur në televizion, këtë herë me një projekt të ri që ai e cilëson si një ëndërr të vjetër të realizuar.
Fituesi i “Big Brother VIP Albania 2” zbuloi se do të rikthehet në ekranin e Top Channel me një emision të ri, i cili pritet të transmetohet një herë në javë, çdo të premte në mbrëmje.
Lajmin e bëri të ditur vetë këngëtari gjatë një interviste në “Fiks Fare”, ku foli për angazhimin e tij të radhës televiziv. Luizi tregoi se bëhet fjalë për një format që e ka dëshiruar prej kohësh, por pa zbuluar ende detaje mbi përmbajtjen dhe konceptin e emisionit.
Ky projekt shënon rikthimin e tij në ekran pas një periudhe ku është fokusuar te muzika dhe jeta personale. Deklarata e këngëtarit ka ngjallur menjëherë kuriozitet te fansat, të cilët presin të zbulojnë se çfarë ka përgatitur Luizi për publikun.
Detajet rreth datës së premierës dhe formatit të plotë të programit pritet të bëhen publike në ditët në vijim.
