lajm i bukur: Shtyhet sërish lirimi i Diddy

Sean “Diddy” Combs do të qëndrojë më gjatë pas hekurave, pasi autoritetet amerikane kanë ndryshuar edhe një herë datën e lirimit të tij nga burgu.

Sipas të dhënave më të fundit të Byrosë Federale të Burgjeve, reperi pritet të lirohet më 20 shkurt 2028, duke shtyrë afatin që më parë ishte caktuar për 24 janar të po atij viti.

Raportohet se ndryshimi erdhi pas një incidenti të ndodhur në burg, ku Diddy u përfshi në një konflikt me një të burgosur tjetër. Stafi i institucionit ndërhyri për të shmangur përshkallëzimin e situatës, ndërsa reperi u vendos përkohësisht në izolim pas përleshjes.

Kjo është hera e pestë që autoritetet rishikojnë datën e lirimit të tij. Gjatë muajve të fundit, afati është ndryshuar disa herë, duke kaluar nga vera e vitit 2028 në prill, më pas në shkurt, janar dhe tashmë sërish në shkurt.

56-vjeçari po vuan një dënim me katër vite burg në Institucionin Federal Korrektues Fort Dix, në New Jersey, pasi u shpall fajtor për akuza që lidhen me transportimin e personave për qëllime prostitucioni. Përveç dënimit me burg, gjykata i ka vendosur edhe një gjobë prej 500 mijë dollarësh, si dhe detyrimin për të ndjekur programe rehabilitimi për shëndetin mendor dhe trajtimin e varësisë.