Selin Bollati i zbuloi pa dashje? Arbër Hajdari dhe Monika Kryemadhi drejt rikthimit në Big Brother VIP Albania 6!
Written by radio wave on October 12, 2026
Një deklaratë e Selin Bollatit në emisionin “Goca dhe Gra” ka ndezur diskutimet për opinionistët e edicionit të ri të “Big Brother VIP Albania”. Gjatë bisedës në studio, fituesja e edicionit të pestë përmendi dy emra që nuk kaluan pa u vënë re: Arbër Hajdarin dhe Monika Kryemadhin.
Gjithçka nisi teksa diskutohej për festën e ardhshme të Top Channel, me rastin e nisjes së sezonit të ri televiziv. Selin zbuloi se në këtë event do të jenë të pranishëm edhe dy opinionistët e sezonit të kaluar, duke nxitur menjëherë reagimin e moderatores Orinda Huta.
“Po konfirmon diçka për ‘Big Brother’-in e ardhshëm?”, e pyeti Orinda, duke e vendosur Selinën përballë dyshimeve se mos kishte zbuluar më shumë seç duhej.
Megjithatë, Selin u tregua e kujdesshme dhe sqaroi se nuk po konfirmonte asgjë. Ajo la të hapur mundësinë që Arbër Hajdari dhe Monika Kryemadhi të jenë të pranishëm thjesht si ish-opinionistë, duke shtuar se do të ishte kënaqësi t’i shihnin sërish, si nga afër, ashtu edhe në ekran.
Përmendja e dy emrave ka mjaftuar që kurioziteti për sezonin e gjashtë të reality show-t të rritet. Arbër Hajdari dhe Monika Kryemadhi ishin pjesë e panelit të edicionit të kaluar dhe rikthimi i tyre do të ruante një dyshe tashmë të njohur për publikun.
Deri në një njoftim zyrtar nga produksioni, gjithçka mbetet në kuadrin e aludimeve. Por një gjë është e sigurt: edhe pa nisur ende spektakli, emrat e opinionistëve kanë filluar të marrin vëmendjen e publikut, ndërsa një fjali e Selinit ka mjaftuar për të hapur diskutimin.
