RIBASHKOHEN LINKIN PARK, POR ME KENGETARE TE RE

Linkin Park po kthehet me një këngëtare të re dhe muzikë të freskët, duke u ribashkuar pas vdekjes së liderit Chester Bennington.

Grupi njoftoi të enjten se po ribashkohen për herë të parë që nga vdekja e Chester në 2017, duke i shtuar këngëtaren Emily Armstrong dhe bateristin Colin Brittain. Emily ka kënduar për Dead Sara, ndërsa Colin ka punuar me G Flip, One OK Rock dhe Illenium.

Anëtarët themelues Mike Shinoda, Brad Delson, DJ Joe Hahn dhe Phoenix do të qëndrojnë në grup. Linkin Park do të lëshojë albumin e ri më 15 nëntor, të titulluar “From Zero,” dhe do të fillojë turneun në Inglewood, New York, Londër, Gjermani, Kore të Jugut dhe Kolumbi.

Ky album është i pari nga Linkin Park që nga “One More Light” në 2017, që doli dy muaj para vdekjes së Chester. TMZ raportoi se Chester u vetëvra duke u varur me një rrip në ditën kur miku i tij i mirë, Chris Cornell, do të kishte mbushur 53 vjeç. Bennington kishte vetëm 41 vjeç.

Pas një periudhe të gjatë pushimi, grupi është rikthyer dhe Linkin Park thotë se është i fokusuar në të ardhmen.