MYRTO UZUNI FESTON NE AIR ALBANIA! JA ARESYEJA

Futbollisti i njohur shqiptar, Myrto Uzuni, ka shpërndarë lajmin e bukur se do të bëhet baba për herë të parë. Ylli i Kombëtares dhe sulmues i Granadës ka zbuluar gjininë e foshnjës së tij gjatë një momenti emocionues në stadiumin ‘Air Albania’ në Tiranë, bashkë me partneren e tij, Uarda Hyseni.

Çifti ka ndarë këtë lajm të mrekullueshëm me fansat dhe miqtë e tyre në një mënyrë shumë të veçantë. Gjatë një ngjarjeje të organizuar për këtë qëllim, Myrto Uzuni ka shënuar një gol nga 11 metra, dhe menjëherë pas golit ka zbuluar për të gjithë se do të bëhet baba i një djali. Ky moment ka qenë i mbushur me emocion, teksa të dy kanë përjetuar një gëzim të madh.

Videoja e këtij momenti të paharrueshëm është shpërndarë menjëherë në rrjetet sociale dhe ka bërë xhiron e internetit, duke u bërë virale për një kohë të shkurtër. Shumë miq dhe ndjekës kanë uruar çiftin për këtë moment të bukur dhe të rëndësishëm në jetën e tyre.

Ky lajm ka shtuar edhe më shumë ngjyra emocionuese në jetën e futbollistit shqiptar, i cili vazhdon të shkëlqejë në fushën e lojës, ndërkohë që po përgatitet për një aventurë të re si prind.