BJÖRK: SI E KAM PËRSHTATUR TURNEUN PËR TË PASUR NJË JETË PERSONALE

Artistja islandeze Björk ka reflektuar mbi natyrën e lodhshme të turneve muzikore, duke shpjeguar si e ka përshtatur programin e saj për të pasur më shumë ekuilibër mes karrierës dhe jetës personale. Në një intervistë për *The Guardian*, ajo tregoi se ndryshimi i këtij ritmi nisi pas publikimit të albumit të saj *Biophilia* në vitin 2011.

Ndryshe nga turnetë tradicionale, ku artistët vizitojnë shumë qytete në një kohë të shkurtër, Björk ka zgjedhur të qëndrojë më gjatë në një vend. Këto qëndrime të zgjatura i kanë dhënë mundësinë të eksplorojë më shumë qytetet ku performon dhe të krijojë një ritëm më të menaxhueshëm. Për shembull, turneu i saj *Cornucopia* filloi në Nju Jork në maj 2019 dhe përfshiu tetë shfaqje përgjatë një muaji. Ky turne përfundoi në Francë në vitin 2023 pas 45 shfaqjesh, ndërsa projekti i saj tjetër, *Björk Orkestral*, kishte 20 shfaqje midis viteve 2021 dhe 2023.

“Nuk dua të ndjek metodën tradicionale të punës së tepërt, ku njerëzit punojnë 18 orë në ditë derisa të lodhen totalisht,” tha Björk. “Unë përpiqem të krijoj një botë ku njerëzit mund të kenë edhe një jetë personale – të jenë pranë fëmijëve dhe partnerëve të tyre. Nuk them që kam arritur gjithçka, por të paktën e kam provuar.”

Albumi më i fundit i Björk, *Fossora*, u publikua në fund të vitit 2022 dhe përkoi me fazën përfundimtare të turneut të saj *Björk Orkestral*. Megjithëse ajo nuk ka ndjekur formatin tradicional të turneve për gati 15 vite, viti 2024 përfshiu disa performanca si DJ në gjashtë shfaqje në pesë shtete.

Bjërk mbetet një shembull frymëzues i balancimit të pasionit për artin me prioritetet personale.