CHAMPIONS LEAGUE: BAYERN, INTER, PSG DHE BARCELONA SIGUROJNË ÇEREKFINALEN
Written by radio wave on March 12, 2025
Janë mësuar disa nga skuadrat çerekfinaliste të Champions League, pas një mbrëmjeje plot emocione dhe përballje të forta në fushën e blertë.
Bayern Munich ka vulosur kalimin në çerekfinale me një tjetër fitore ndaj Bayer Leverkusen. Pas triumfit 3-0 në ndeshjen e parë, bavarezët fituan edhe takimin e dytë me shifrat 2-0. Në “BayArena”, goli i parë u shënua nga Harry Kane, ndërsa Alphonso Davies vulosi rezultatin në pjesën e dytë, duke siguruar kështu një kualifikim të pastër për ekipin e Tuchelit.
Ndërkohë, në Milano nuk pati surpriza, teksa Inter eliminoi Feyenoordin. Zikaltërit kishin fituar 2-0 në takimin e parë dhe në “San Siro” triumfuan me rezultatin 2-1. Marcus Thuram zhbllokoi sfidën herët, por holandezët barazuan falë Moder, i cili shënoi nga pika e bardhë. Megjithatë, Hakan Calhanoglu i dha fund çdo dyshimi me një gol të bukur në pjesën e dytë. Me këtë fitore, Interi siguroi një përballje të fortë në çerekfinale ndaj Bayern Munich, në një duel spektakolar italo-gjerman.
Në anën tjetër, Paris Saint-Germain arriti një përmbysje dramatike ndaj Liverpool. Pas humbjes 1-0 në ndeshjen e parë, parizienët triumfuan me të njëjtin rezultat në kohën e rregullt, falë një goli të Ousmane Dembélé. Koha shtesë nuk solli gola, dhe fati i sfidës u vendos nga penalltitë, ku PSG u tregua më i saktë se kampionët e Anglisë, duke siguruar një biletë për në fazën tjetër.
Barcelona kualifikohet në çerekfinale të Champions League, pas triumfit 3-1 në shtëpi ndaj Benficës. Katalanasit ia dalin që të fitojnë edhe në ndeshjen e kthimit, teksa akti i parë kishte përfunduar 1-0 në favor të ekipit të Flick.
Me këto rezultate, Champions League premton duele akoma më të zjarrta në fazën çerekfinale, ku Inter dhe Bayern do të sfidojnë njëra-tjetrën, ndërsa PSG dhe Barcelona mbeten në pritje të kundërshtarëve të radhës.
