A ËSHTË NISUR NJË ROMANCË MES JOHNNY DEPP DHE ANGELINA JOLIE? SPEKULIMET SA VIJNË E SHTOHEN

Prej vitesh, marrëdhënia mes dy prej emrave më të famshëm të Hollivudit, Johnny Depp dhe Angelina Jolie, ka qenë objekt diskutimesh – por muajt e fundit, spekulimet për një lidhje të mundshme dashurie midis tyre janë intensifikuar ndjeshëm.
Dyshja u njohën gjatë xhirimeve të filmit “The Tourist” në vitin 2010, ku kimia mes tyre ra menjëherë në sy të publikut. Megjithatë, raportimet e fundit nga mediat e huaja thonë se ata janë rikthyer në kontakt të afërt dhe po takohen fshehurazi midis Londrës dhe Los Angelesit, në përpjekje për të mbajtur lidhjen larg syrit të mediave dhe fansave.

Burime pranë tyre thonë se takimet zhvillohen në ambiente të mbyllura, në restorante dhe klube private, ku privatësia është e garantuar. Një burim ka zbuluar se lidhja është ende në fazën e hershme të njohjes, por se Johnny ka pasur ndjenja për Angelinën prej kohësh dhe është i interesuar për një marrëdhënie më të qëndrueshme.
Kjo lidhje e mundshme nuk vjen pa një histori të ndërlikuar mes tyre. Johnny Depp thuhet se ka qëndruar pranë Angelinës gjatë betejës së saj të vështirë ligjore me Brad Pitt, duke i ofruar mbështetje morale dhe madje edhe ndihmë konkrete, përmes ekipit të tij ligjor. Nga ana tjetër, edhe Depp ka kaluar një periudhë mjaft të vështirë gjatë procesit të tij të famshëm të divorcit me Amber Heard – gjë që, sipas fansave dhe njohësve të industrisë, i ka afruar më shumë ata si njerëz që kanë përjetuar dramë personale në sytë e publikut.

Deri tani, asnjëri prej tyre nuk ka dhënë deklarata publike në lidhje me këtë marrëdhënie, por raportimet e vazhdueshme për takime private dhe afërsia që kanë ndarë ndër vite po i japin zë gjithnjë e më fortë një pyetjeje që po e mundojnë fansat: A po lind një romancë e re mes dy ikonave të kinemasë?
Nëse thashethemet rezultojnë të vërteta, një lidhje midis Depp dhe Jolie do të ishte padyshim një nga historitë më të bujshme të vitit në showbiz.