ALEXIS OHANIAN REAGON PAS PERFORMANCËS SPEKTAKOLARE TË SERENA WILLIAMS NË SUPER BOWL 2025

Alexis Ohanian, bashkëshorti i legjendës së tenisit Serena Williams, reagoi me entuziazëm pas shfaqjes mahnitëse të saj gjatë performancës së Kendrick Lamar në Super Bowl 2025.

Bashkëthemeluesi i Reddit ndau disa foto nga tribunat VIP në rrjetin social X (ish-Twitter), duke e cilësuar paraqitjen e Serenës si një “shfaqje e jashtëzakonshme!”.

Serena Williams, tashmë 43 vjeçe dhe e tërhequr nga sporti, habiti publikun duke u shfaqur si balerinë në këngën “Not Like Us”, një diss i drejtuar Drake, ish-të dashurit të saj. Sipas DailyMail, reperi kanadez nuk e priti mirë këtë moment, duke reaguar me një përçartje për ish-të dashurat e tij gjatë një koncerti në Australi, vetëm disa orë përpara Super Bowl-it.

Ohanian, i njohur për mbështetjen e tij të palëkundur ndaj Serenës, reagoi ndaj kritikave për kërcimin e saj, duke kujtuar se ajo ishte përballur me komente të ashpra edhe në Wimbledon 2012, kur bëri një lëvizje të ngjashme. Ai ripostoi një koment satirik nga aktori Samuel L. Jackson, që vinte në pah paragjykimet ndaj kulturës afro-amerikane, duke e lidhur këtë me kritikat që Serena ka përjetuar ndër vite.

Historia e dashurisë mes Serena Williams dhe Alexis Ohanian nisi në 2015, pas ndarjes së saj nga Drake. Çifti u fejua në 2016, u martua në 2017 dhe sot kanë dy vajza të mrekullueshme: Alexis Olympia (6 vjeçe) dhe Adira River (15-muajshe).

Shfaqja e Serenës në Super Bowl 2025 ishte një tjetër dëshmi e ndikimit të saj në kulturën pop, duke treguar se ajo mbetet një figurë e fuqishme, si brenda, ashtu edhe jashtë fushave të tenisit.