Arbana Osmani merr “Ferma VIP 3”, publikohet promoja që ndezi rrjetin
Written by radio wave on March 9, 2026
Moderatorja e njohur shqiptare Arbana Osmani rikthehet në ekran me një projekt të ri televiziv, duke marrë drejtimin e edicionit të tretë të reality show-t Ferma VIP.
Lajmi është konfirmuar tashmë edhe zyrtarisht përmes promos së publikuar në rrjetet sociale. Në videon e shkurtër, moderatorja shfaqet në ambientet karakteristike të fermës, duke dhënë sinjalin për nisjen e aventurës së re televizive.
Pamjet kanë bërë menjëherë xhiron e rrjetit, duke konfirmuar se Arbana Osmani do të jetë në krye të këtij sezoni të ri të spektaklit.
Ky projekt shënon një kapitull të ri në karrierën e saj, pasi për vite me radhë ajo ishte një nga figurat më të lidhura me programet e mëdha të Top Channel, veçanërisht me formatin shumë të ndjekur Big Brother VIP Albania.
Tashmë, me Ferma VIP, moderatorja rikthehet në një tjetër format të njohur të reality show-t, duke sjellë një frymë të re në ekran.
Edicioni i tretë i spektaklit pritet të nisë së shpejti dhe, sipas promos së publikuar, do të vijë me shumë surpriza, sfida dhe dinamika të reja për personazhet VIP që do të bëhen pjesë e fermës. Rikthimi i Arbana Osmani në një format të madh televiziv ka rritur edhe më shumë pritshmëritë e publikut për sezonin e ri.
