Arilena Ara konfirmohet si prezantuesja e “Festivalit të Këngës” 2024

Pas javësh spekulimesh dhe emrash të përfolur, është zyrtarizuar: Arilena Ara do të jetë moderatorja e edicionit të këtij viti të “Festivalit të Këngës”. Lajmi është publikuar nga popart.al dhe më pas është konfirmuar edhe nga vetë artistja përmes një postimi në Instagram.

Këngëtarja rikthehet në skenën e festivalit, por këtë herë në një rol të ri, atë të prezantueses. Arilena, e cila fitoi “Festivalin e Këngës” në vitin 2019, do të drejtojë netët live të edicionit të 64-të bashkë me Salsano Rrapin.

Detaje të tjera për konceptin e prezantimit, organizimin e mbrëmjeve dhe mundësinë e bashkëprezantuesve të tjerë pritet të publikohen së shpejti nga RTSH.

Festivali i 64-t i Këngës në RTSH do të mbahet më 17, 18, 19 dhe 20 dhjetor.