ARLINDA RAJTA NË RADIO WAVE: “ÇELËSI I SUKSESIT NË SHITJE ËSHTË TRANSPARENCAME KLIENTIN”

Në intervistën e sotme në Radio Wave, patëm kënaqësinë të bisedojmë me Arlinda Rajtën, agjente e Century 21 Metropol East, e cila ndau disa mendime të vlefshme mbi përvojën dhe filozofinë e saj në fushën e shitjeve.

Arlinda theksoi se puna në kompani të vogla ka qenë një shkollë më vete, sepse aty ka pasur mundësinë të mësojë pak nga çdo proces – që nga marketingu e deri tek ndërtimi i marrëdhënieve me klientët potencialë. “Qëndro besnik në punët e vogla që të të besohen punë të mëdha,” – ishte mesazhi i saj i qartë për këdo që dëshiron të ecë përpara.

Duke folur për dallimet gjinore në shitje, ajo vuri re se vajzat janë shpesh më të kujdesshme ndaj detajeve, ndërsa djemtë shfaqin më shumë dinamizëm dhe vetëbesim në promovimin e një produkti. Sipas saj, ky kombinim i cilësive të ndryshme e bën çdo ekip më të balancuar dhe më efektiv.

Megjithatë, pavarësisht stilit apo qasjes, Arlinda e përkufizon transparencën me klientin si çelësin e vërtetë të suksesit. Vetëm duke qenë i hapur dhe i ndershëm në komunikim, mund të ndërtohet besimi dhe të mbyllen marrëveshje të qëndrueshme.

Me përvojën e saj, energjinë pozitive dhe filozofinë e qartë, Arlinda Rajta është një shembull frymëzues për këdo që dëshiron të ketë sukses në botën e shitjeve.