Asnjë romancë e re në horizont: Angelina Jolie zgjedh fëmijët dhe filmin pas ndarjes nga Brad Pitt

Pas ndarjes përfundimtare nga Brad Pitt në dhjetor 2024, Angelina Jolie ka zgjedhur një rrugë të qartë: fokusin te fëmijët dhe karriera, jo te një romancë e re.

Sipas një burimi pranë aktores për People, Jolie nuk ka qenë në asnjë lidhje që nga divorci. “Angie ka qenë e zënë dhe e përqendruar. Takimet nuk ishin të rëndësishme për të. Ajo është kryesisht një nënë beqare pas divorcit dhe ky ka qenë prioriteti i saj”, citohet të ketë thënë burimi.

Aktorja dhe Pitt janë prindër të gjashtë fëmijëve: Maddox, Pax, Zahara, Shiloh dhe binjakëve Knox e Vivienne. Sipas të njëjtit burim, Jolie po e përjeton me përkushtim të plotë rolin e saj si nënë dhe kujdeset që fëmijët të ndihen të mbështetur dhe të lumtur në këtë kapitull të ri familjar.

Në anën profesionale, Jolie vazhdon të jetë aktive. Filmi i saj më i fundit, Couture, pati premierën botërore në Toronto International Film Festival në shtator të vitit të kaluar. Në këtë projekt, ajo interpreton një regjisore që përballet me një divorc dhe një diagnozë të kancerit të gjirit — një rol që vetë Jolie e ka cilësuar si tejet personal në një intervistë për Time France.

Pas “Couture”, ylli hollivudian pritet të rikthehet në ekran me adaptimin filmik të romanit Njerëz të Ankthshëm, duke dëshmuar se, edhe pse jeta e saj personale ka kaluar nëpër stuhi, karriera mbetet në një trajektore të fortë.