BROOKLYN BECKHAM LË JASHTË FAMILJEN NË RINOVIMIN E BETIMEVE TË MARTESËS ME NICOLA PELTZ

Drama familjare në familjen Beckham duket se ka arritur kulmin, pasi Brooklyn Beckham nuk ftoi asnjë nga të afërmit e tij për ceremoninë intime të rinovimit të betimeve me bashkëshorten e tij, Nicola Peltz. Evenimenti u zhvillua më 2 gusht në New York, ku mori pjesë vetëm familja e nuses, ndërsa prindërit e tij, David dhe Victoria Beckham, e mësuan lajmin nga media.

26-vjeçari dhe Nicola, të martuar fillimisht në vitin 2022, zgjodhën një ceremoni të vogël dhe shumë personale, ku nusja veshi fustanin e nënës së saj nga viti 1985, ndërsa babai i saj, miliarderi Nelson Peltz, drejtoi ceremoninë. Mungesa totale e familjes Beckham, madje edhe e gjyshërve, është cilësuar “e dhimbshme” nga burime pranë çiftit, duke shtuar se kjo mund të jetë një shenjë e një shkëputjeje përfundimtare nga familja.

Përplasjet mes dy familjeve dyshohet se kanë nisur që para dasmës së parë, kur Nicola Peltz refuzoi të vishte një fustan nusërie të krijuar nga Victoria Beckham, zgjedhje që, sipas mediave, krijoi tensione të dukshme. Që prej asaj kohe, çiftet nuk janë parë bashkë në publik, ndërsa situata u përkeqësua këtë maj, kur Brooklyn mungoi në 50-vjetorin e babait të tij dhe ndaloi së ndjekuri vëllezërit e tij, Romeo dhe Cruz, në rrjetet sociale.

Me këtë hap të fundit, thashethemet për një krisje të thellë familjare janë ringjallur, duke bërë që media britanike ta konsiderojë 2 gushtin si “ditën kur Brooklyn pushoi së qeni pjesë e familjes Beckham”.