CARDI B FITON GJYQIN NË LOS ANGELES DHE SHPALL PLANIN PËR TË PADITUR ISH-ROJËN E SIGURISË

Reperja e njohur Cardi B ka dalë fituese në një betejë ligjore në Los Angeles, pasi u shpall e pafajshme ndaj akuzave për sulm dhe dhunë fizike në një çështje civile. Juria vendosi unanimisht të martën se ajo nuk do të paguajë asnjë dëmshpërblim në padinë prej 24 milionë dollarësh të ngritur nga ish-roja i saj i sigurisë, Emani Ellis. Sipas TMZ, Cardi B – e cila është nënë e tre fëmijëve – tani planifikon ta padisë Ellis-in pas këtij vendimi.

Ellis e kishte akuzuar reperen në vitin 2018 duke pretenduar se ajo e kishte pështyrë, i kishte thënë fjalë raciste dhe e kishte goditur në fytyrë me thonj, duke i shkaktuar lëndime. Por Cardi B i mohoi kategorikisht këto pretendime, duke thënë se në atë periudhë ishte shtatzënë dhe se nuk kishte pasur asnjë përleshje fizike, vetëm një debat verbal. Ajo shpjegoi se konflikti kishte lindur pasi roja i sigurisë e kishte filmuar gjatë një vizite te mjeku, kur ajo ishte shtatzënë me vajzën e saj të parë, Kulture, gjë që Cardi e konsideroi si shkelje të privatësisë.

Një mjek i klinikës në Beverly Hills dëshmoi në gjyq se nuk kishte parë asnjë goditje ndaj rojës. Ellis e ngriti padinë në vitin 2020, por vendimi i fundit e përmbylli çështjen në favor të Cardi B. Përfaqësuesit e saj nuk kanë dhënë ende një koment zyrtar pas vendimit të gjykatës.