CRISTIANO RONALDO DHE GEORGINA RODRIGUEZ SHPALLIN FEJESËN ME UNAZËN QË PO ÇMEND BOTËN

Cristiano Ronaldo dhe Georgina Rodriguez, pas tetë vitesh lidhjeje, më 11 gusht shpallën publikisht fejesën e tyre me një postim në Instagram që u bë menjëherë viral. Vëmendjen nuk e mori vetëm lajmi i fejesës, por sidomos unaza gjigante e fejesës që modelja argjentinase mbante në dorë.

Fotoja e publikuar u përhap me shpejtësi në mediat ndërkombëtare, ndërsa ekspertët e bizhuterive nisën menjëherë të bënin vlerësimet e tyre për diamantin e rrallë. Tobias Kormind, drejtor i “77 Diamonds” në Londër, beson se guri qendror oval peshon rreth 35 karatë, i shoqëruar nga dy gurë anësorë ovalë prej 1 karati secili, të vendosur në platin. Ai e krahasoi madhësinë e saj me diamantin legjendar Taylor-Burton dhe e vlerësoi rreth 5 milionë dollarë.

Nga ana tjetër, Laura Taylor e “Lorel Diamonds” mendon se diamanti i Georginës mund të jetë midis 15 dhe 20 karatë, duke theksuar se prerja ovale jep një shkëlqim unik. Sipas saj, nëse diamanti është natyral dhe i përsosur, çmimi mund të kalojë 2 milionë dollarë.

Influencerja Julia Chafe, e njohur për analizat e bizhuterive luksoze, e vlerësoi unazën deri në 3 milionë dollarë, duke supozuar se është një diamant D Flawless prej 35 karatësh. Me humor, ajo shtoi: “Nëse ka diçka që dimë për Georginan, është se ajo nuk bën gjëra të vogla.”

Ky diamant madhështor është kthyer tashmë në një nga unazat më të komentuara të vitit, duke e vendosur fejesën e Cristiano Ronaldos dhe Georgina Rodriguez në qendër të vëmendjes botërore.