Deejay Twin Gent zbërthen tregun muzikor shqiptar dhe rrëfen momentet e pabesueshme në Radio Wave

Sot në studio me Radio Wave ishte Deejay Twin Gent, një nga emrat më të njohur dhe të qëndrueshëm në skenën muzikore shqiptare, i cili ka nisur karrierën që në fillim të viteve 2000 dhe nuk ka ndalur asnjëherë.

Gjatë bisedës, Gent foli hapur për ndryshimet në tregun muzikor shqiptar, duke përshkruar çmimet “çmendura” që kërkojnë sot këngëtarët dhe krahasuar ato me shumat maramendëse që paguheshin DJ-t më herët. Ai tregoi se artistë rumunë si Ina dhe Akcent kishin sjellë një frymë të re në skenën shqiptare, por më pas ndikimi i tyre u kopjua gjerësisht nga artistët vendas.

Një moment i veçantë i bisedës ishte rrëfimi i kohëve të arta të DJ-ve, ku Gent tregoi se ai dhe Deejay Moss Ilda kishin paguar nga 2000 paund secili për këngën “Despacito” – një shifër që sot duket e pabesueshme.

Deejay Twin Gent është pjesë e Radio Wave që prej ditës së parë të themelimit dhe shoqëron emisionin e mëngjesit, duke u kthyer në një nga energjitë kryesore të radios. Për këtë fundvit, ai do të udhëtojë për herë të parë në Londër për Krishtlindje dhe Vitin e Ri, ndërsa së bashku me moderatorin Ergys sollën një episod special në studio si përshëndetje për publikun para udhëtimit më 24 dhjetor.

Në fund të bisedës, Gent uroi mikun e tij Stinë në Big Brother VIP, duke e cilësuar si pretendentin kryesor për fitoren e këtij edicioni, duke shtuar edhe një dimension personal dhe të ngrohtë në intervistën e tij.