Dua Lipa shpërthen në Brit Awards: Performancë surprizë dhe stil i papërsëritshëm

Edhe pse ceremonia e Brit Awards përfundoi këtë fundjavë, të gjithë flasin për surprizën e mbrëmjes: këngëtarja kosovare Dua Lipa. Ajo la pas të gjithë me performancën e saj dhe stilin e papërsëritshëm në Mançester.

Dua ishte e ftuar speciale gjatë performancës së mikut dhe bashkëpunëtorit të saj, Mark Ronson, duke kënduar “Dance the Night” me një kostum të personalizuar nga Gucci. Duke hequr pallton e madhe, ajo ekspozoi trupin në një kostum me xixa dhe dekolte të thellë, duke rikthyer atmosferën e epokës së diskos. Bizhuteritë dhe flokët e lëshuar plotësuan pamjen e saj tërheqëse, ndërsa momenti më i papritur ishte kur piu një martini gjatë këngës.

Pas ceremonisë, Lipa u shfaq edhe në festën pas-eventit të organizuar nga Warner Music & Hennessy, duke mahnitur me një korse të zezë nga Mugler dhe dekolte të hapur, të kombinuar me një fund elegant dhe aksesorë të zgjedhur me kujdes. Pamja e saj konfirmoi statusin e saj si një ikonë stili dhe performancë në Brit Awards.