Edi dhe Dolce ndezin shtëpinë e “BBVK”: Puthja e nxehtë që ngriti në këmbë gjithë banorët

Romanca mes Edit dhe Dolces në “Big Brother VIP Kosova” po bëhet çdo ditë e më intensive, dhe duket se çifti nuk po e kursen aspak pasionin përpara kamerave. Pas një sërë momentesh romantike, përqafimesh dhe afrimesh të dukshme, tani ata kanë kaluar në një nivel krejt tjetër.

Në një skenë që ka bërë xhiron e rrjetit, dyshja është kapur duke shkëmbyer një puthje të nxehtë me gjuhë – një “French Kiss” që jo vetëm trazoi publikun, por ndezi edhe gjithë shtëpinë. Sipas Indeksonline, banorët nuk e lanë këtë moment të kalonte pa reaguar. Brohoritjet, duartrokitjet dhe komentet plot entuziazëm shoqëruan çiftin, të cilët duket se tashmë janë kthyer në njërin nga dinamikat më të ndjekura të këtij edicioni.

Ky moment ka rikonfirmuar se lidhja e tyre po shkon me ritme të shpejta dhe se ata nuk kanë ndërmend të fshihen apo të jenë të rezervuar. Përkundrazi, Edi dhe Dolce po shndërrohen në protagonistë të pandalshëm të romancës brenda “BBVK”, duke mbajtur publikun të gozhduar para ekranit dhe banorët në pritje të hapit të radhës.

Mbetet për t’u parë nëse kjo marrëdhënie do të thellohet edhe më shumë, apo thjesht po jeton magjinë e momentit. Një gjë është e sigurt: kamerat nuk po humbasin asgjë.