EUROVISION 2025: EMOCIONET NISIN ME SHORTIN E GJYSMËFINALEVE NË BAZEL
Written by radio wave on January 29, 2025
Një short i veçantë u zhvillua sot në City Hall të Bazelit për ndarjen e 31 vendeve gjysmëfinaliste të ‘Eurovision 2025’ në dy netët gjysmëfinale, të cilat do të mbahen më 13 dhe 15 maj në Bazel, Zvicër.
Shorti u drejtua nga Jennifer Bosshard dhe Jan van Ditzhuijzen nën mbikëqyrjen e European Broadcasting Union (EBU). Sipas ndarjes, 15 vende do të performojnë në natën e parë gjysmëfinale, ndërsa 16 vende do të performojnë në natën e dytë.
Pjesëmarrësit u ndanë fillimisht në pesë grupe dhe u caktua në cilën nga dy netët do të performojnë, si dhe në cilën gjysmë të tyre. Një short shtesë caktoi gjithashtu se cilën gjysmëfinale do të votojnë vendet e mëdha (Big 5) dhe vendi pritës, Zvicra. Kështu, Zvicra, Italia dhe Spanja do të votojnë në natën e parë gjysmëfinale (13 maj), ndërsa Franca, Gjermania dhe Mbretëria e Bashkuar do të votojnë në natën e dytë gjysmëfinale (15 maj).
Ndarja e Vendeve Pjesëmarrëse:
Gjysmëfinalja e Parë (13 Maj):
– Estonia
– Islanda
– Polonia
– Portugalia
– Suedia
– Ukraina
– Shqipëria
– Azerbajxhani
– Belgjika
– Kroacia
– Qipro
– Holanda
– Norvegjia
– San Marino
Gjysmëfinalja e Dytë (15 Maj):
– Armenia
– Australia
– Austria
– Greqia
– Irlanda
– Letonia
– Lituania
– Mali i Zi
– Çekia
– Danimarka
– Finlanda
– Gjeorgjia
– Izraeli
– Luksemburgu
– Malta
– Serbia
Nga gjithsej 37 vende pjesëmarrëse, 31 do të konkurrojnë në gjysmëfinale, ndërsa Big 5 (Franca, Gjermania, Italia, Spanja, Mbretëria e Bashkuar) dhe vendi pritës Zvicra janë automatikisht të kualifikuara për finalen e madhe.
Martin Osterdahl, mbikëqyrësi ekzekutiv i Eurovision (EBU), deklaroi: “Jemi të entuziazmuar të hapim një kapitull të ri për Eurovision në Bazel. Pas shfaqjeve të jashtëzakonshme në Malmö vitin e kaluar, Bazeli është gati të ofrojë një garë të jashtëzakonshme”.
Prodhuesit ekzekutivë të Eurovision 2025, Reto Peritz dhe Moritz Stadler, shtuan: “Eurovision është rikthyer në vendin e tij të lindjes. Me përfundimin e dorëzimit nga Malmö në Bazel dhe shortit të gjysmëfinaleve, kemi shënuar një moment të rëndësishëm dhe mezi presim të mirëpresim mysafirë nga e gjithë bota”.
‘Eurovision 2025’ do të mbahet më 13, 15 dhe 17 maj në St. Jakobshalle të Bazelit, Zvicër. Shqipëria do të performojë në gjysmëfinalen e parë me këngën “Zjerm” nga Grupi Shkodra Elektronike.
