GJESTI I HEDH KUNJA ESTRADËS SHQIPTARE: “KREJT ME TË VJETRA KENI MBETUR”
Written by radio wave on September 22, 2025
Reperi i njohur, Gjesti, ka ndezur debat në rrjetet sociale me një video të publikuar së fundmi në InstaStory, ku ironizoi skenën muzikore shqiptare për mungesën e risive dhe stileve të reja.
Në videon e tij, ai shprehet me tone thumbuese dhe plot ironi:
“Ku jeni more, ku jeni ju? Hej, unë vetëm po shikoj mos ka ndonjë stil të ri, a ndonjë gjë. Por nuk po shoh asgjë. Asgjë, krejt me të vjetra keni mbetur. Thash hajt të ndalem mos ka ndonjë stil, po ja nuk ka asgjë ndryshe. E kë duhet të thirrni për këtë punë? Mua. Po normal që mua.”
Deklarata e Gjestit është parë si një mesazh i qartë për kolegët e tij në estradë, ndonëse ai nuk përmendi emra konkretë. Ky ton misterioz ka bërë që ndjekësit të nisin diskutime mbi kë po i drejtohej reperi dhe mbi gjendjen aktuale të muzikës shqiptare.
I njohur për stilin e tij të fortë dhe komentet shpeshherë të drejtpërdrejta, Gjesti nuk heziton të shprehë hapur mendimet e tij për industrinë. Postimi i fundit është një shembull tjetër i mënyrës së tij pa filtra për të adresuar çështje që ai i konsideron problematike në estradë, duke i dhënë një tjetër dozë tensioni dhe debati skenës muzikore shqiptare.
