JIMMY KIMMEL “SHKUNDI” HOLLYWOOD-IN: MONOLOGU I RIKTHIMIT THYEN REKORDE, TRUMP SHPËRTHEN!
Written by radio wave on September 26, 2025
Jimmy Kimmel është rikthyer fuqishëm dhe ka bërë bujë në gjithë botën e showbiz-it me një monolog që grumbulloi mbi 19 milionë shikime në YouTube vetëm brenda 24 orëve duke thyer çdo rekord të mëparshëm të shfaqjes së tij “Jimmy Kimmel Live!”. Episodi u ndoq drejtpërdrejt nga më shumë se 6.26 milionë shikues pavarësisht se disa degë lokale të ABC-së nuk e transmetuan për shkak të mosmarrëveshjeve me Nexstar dhe Sinclair që presin ende miratimin për një bashkim prej 6.2 miliardë dollarësh.
Në këtë rikthim të bujshëm Kimmel e cilësoi pezullimin e tij si “anti-amerikan” duke theksuar se nuk ishte kurrë qëllimi i shfaqjes të ofendonte por të mbronte të drejtën e fjalës së lirë. Ai foli edhe për komentet mbi vdekjen e aktivistit Charlie Kirk duke u shprehur se nuk kishte dashur të nënvlerësonte askënd dhe se kuptonte ata që u ndjenë të lënduar.
Pak orë para transmetimit Donald Trump shpërtheu në platformën e tij Truth Social duke e quajtur Kimmel një “prezantues të rremë” dhe duke kritikuar ABC për rikthimin e tij në televizion.
Monologu i fundit i Kimmel jo vetëm që arriti shifra rekord por edhe tejkaloi momentet më të komentuara të mëparshme si fjalimin për lindjen e djalit të tij me problem në zemër në vitin 2017 që kishte mbledhur 14 milionë shikime reagimin pas Oscars 2022 me 13 milionë shikime momentin pas të shtënave masive në Las Vegas me 10 milionë dhe komentet mbi kandidaturën e Trump për rizgjedhje me 9 milionë.
Vendimi i Disney për pezullimin e tij shkaktoi reagime të forta në Hollywood ku shumë yje të njohur u solidarizuan me prezantuesin ndërsa avokatët e lirisë së fjalës e quajtën masën të papranueshme. Konsumatorë dhe figura politike mes tyre edhe republikani Ted Cruz shprehën pakënaqësinë e tyre duke e kthyer çështjen në një debat kombëtar. Pas “diskutimeve të kujdesshme me Jimmyn” Disney vendosi ta rikthente në ekran duke i hapur rrugë këtij momenti historik.
Rikthimi i Jimmy Kimmel dëshmon fuqinë e audiencës online dhe transformimin e shfaqjeve televizive në epokën digjitale duke e shndërruar atë në një nga figurat më të rëndësishme të late-night show. “Jimmy Kimmel Live!” rikthehet këtë të mërkurë dhe tashmë të gjithë sytë janë tek ai.
