Landi Hysi zbulon rolin e Mirit në Westside Family dhe bashkëpunimin e mundshëm me Bebe Rexhën

Në një intervistë për Radio Wave, Landi Hysi ka treguar detaje interesante rreth grupit të njohur Westside Family dhe anëtarit të tij kryesor, Miri. Ai theksoi se Miri ishte ai që i vendosi emrin grupit dhe vazhdon të jetë një figurë kyçe në projekte dhe krijime muzikore.

Landi gjithashtu nuk përjashtoi mundësinë e një bashkëpunimi me Bebe Rexha pas suksesit të remake-it të këngës “Cike Cike”, të publikuar nga këngëtarja kohët e fundit.

Kur u pyet për pjesëmarrjen e Mirit në Big Brother VIP Albania, Landi shprehu vlerësimin e tij për durimin dhe qëndrueshmërinë e tij brenda shtëpisë, duke u shprehur se nuk e kupton tendencën e madhe të publikut për ta ofenduar apo denigruar. Megjithatë, ai shprehet me besim të madh se Miri do të fitojë formatin në fund.

Sa i përket planeve të reja të grupit, Landi tha se, edhe pse kanë arritur sukses të madh që nga debutimi i tyre me superhitet, ata do të vazhdojnë të prodhojnë muzikë të mirë dhe të qëndrojnë besnikë ndaj stilit të tyre unik.