Lenny Kravitz “shpëton” me stil nga incidenti në skenë

Lenny Kravitz ka treguar edhe një herë se është një ikonë që nuk lëkundet lehtë. Gjatë koncertit të tij në Brisbane të Australisë, më 21 nëntor, pjesë e turneut botëror “Blue Electric Light”, muzikanti 61-vjeçar u përball me një moment krejt të papritur: një fans e kapi nga flokët dhe e tërhoqi nga koka teksa ai po performonte pranë publikut.

Rockstari e rrëfeu ngjarjen në një video të postuar në Instagram, duke e përshkruar si një përvojë “të çmendur” dhe mjaft të dhimbshme. Megjithatë, në stilin e tij të zakonshëm cool, Kravitz nuk e lejoi incidentin të prishte atmosferën.

“Brisbane, jeni të çmendur. Ju dua”, tha ai mes të qeshurave, duke i treguar edhe një herë botës se lidhja e tij me fansat qëndron më lart se çdo pengesë.

Koncerti në Brisbane është pjesë e turit promovues të albumit të tij të 12-të, “Blue Electric Light”, me destinacione të shumta në Australi dhe vizitën e parë të muzikantit në Zelandën e Re. Kravitz u shpreh se rikthimi në Australi dhe energjia e publikut po e mbushin me emocion dhe frymëzim.

Pavarësisht incidentit të pazakontë, Lenny Kravitz mbetet stoik, pozitiv dhe i vendosur të japë çdo natë një show të paharrueshëm. Një gjë është e sigurt: fansat e tij janë të zjarrtë – ndonjëherë edhe pak shumë të zjarrtë!