Lëvizja e fortë e Mirit, dy çifte në rrezik largimi

Spektakli i së martës solli një zhvillim të rëndësishëm në shtëpinë e Big Brother VIP Albania. Pas televotimit të hapur për publikun, Armir Shahini u shpall lideri i ri i shtëpisë.

Ky rol i dha atij një avantazh të rëndësishëm në lojë, pasi pati mundësinë të ndikojë drejtpërdrejt në nominimet e së shtunës. Pas lojës së fundit ku banorët u ndanë në çifte, Miri vendosi të dërgojë në televotim dy prej tyre: Mateon me Gimbën dhe Brikenën me Selin.

Tani vendimi kalon në duart e publikut, i cili duhet të votojë për çiftin që dëshiron të shpëtojë. Dy më pak të votuarit do të përballen më pas mes tyre, në një duel që do të vendosë se kush do të largohet përfundimisht nga shtëpia.

Vendimi i Mirit duket se nuk ka qenë rastësor. Ai ka goditur pikërisht disa nga banorët me të cilët ka pasur përplasje gjatë qëndrimit në shtëpi, ndërsa vëmendje të veçantë ka marrë raporti i tij me Selin, e cila në fillim të këtij edicioni ishte një nga bashkëpunëtoret më të afërta të tij.

Me tensionet që po rriten dhe strategjitë që po ndryshojnë nga dita në ditë, mbetet për t’u parë se cili prej këtyre banorëve do të jetë ai që do t’i japë fund aventurës në shtëpinë më të famshme në Shqipëri.