LUIZ EJLLI DHE KIARA TITO DO TË BASHKOHEN NË NJË FILM TË RI

Luiz Ejlli dhe Kiara Tito do të jenë protagonistët e një filmi të ri shqiptar, një projekt që tashmë ka ngjallur shumë kureshtje te publiku. Lajmin e ka konfirmuar vetë këngëtari përmes një Instastory, ku zbuloi se xhirimet do të nisin shumë shpejt dhe se skenari është përfunduar. “Shumë shpejt nisim xhirimet e filmit. Do të shihni një Luiz dhe një Kiara si kurrë më parë”, shkroi ai, duke premtuar një eksperiencë krejt ndryshe për fansat e çiftit.

Ende nuk janë dhënë më shumë detaje mbi historinë dhe zhanrin e filmit, por fakti që dyshja do të luajë krah për krah ka shtuar pritshmëritë dhe emocionet e ndjekësve të tyre. Kjo nuk është hera e parë që Luizi provon veten si aktor – më herët ai u shfaq në filmin “Në kuadër të dashurisë”, ku luajti përkrah Olta Gixharit. Ndërkohë, projekti i ri me Kiara Titon pritet të shënojë një hap tjetër të rëndësishëm në karrierën e tij artistike, si dhe një mundësi të re për çiftin e dashur për publikun shqiptar.