Mario Veshaj dhe Kristina Mere bëhen prindër për herë të parë, zbulohet emri i veçantë i vajzës së tyre

Mario Veshaj dhe gazetarja Kristina Mere kanë hapur një kapitull të ri dhe shumë të veçantë në jetën e tyre: ata janë bërë prindër për herë të parë.

Lajmi i bukur u bë publik ditën e djeshme nga vetë Mario Veshaj, i cili përmes një postimi në Instagram ndau emocionin e ardhjes në jetë të vajzës së tyre. Me fjalë plot ndjenjë dhe dashuri, moderatori prezantoi edhe emrin e vogëlushes, Bluem, duke e cilësuar si bekimin më të madh të jetës së tij.

“Bekimi ynë i vogël! Kjo ka qenë ëndrra ime më e madhe që në momentin që të njoha dhe u dashurova me ty”, shkruan Mario, duke i dedikuar fjalë të veçanta partneres së tij, Kristina Mere. Ai përmend edhe detin, si simbol të kujtimeve më të bukura të çiftit, ndërsa ngjyra blu, sipas tij, tashmë jeton në sytë e vajzës së tyre. “Mirë se erdhe tek ne, Bluem! Jeni lumturia ime më e madhe. Ju dua!”, përfundon ai.

Gëzimi i familjes Veshaj është reflektuar edhe nga vëllai i Marios, Romeo Veshaj, i cili ka publikuar një foto në Instagram krah Donaldit, teksa të dy mbajnë në duar mbesën e tyre të sapolindur. Me nota humori dhe krenarie, Romeo shkruan mbi foto: “Ajo i ka tashmë rojet e saj”.

Ardhja në jetë e Bluem ka marrë reagime të shumta pozitive dhe urime nga miq, kolegë dhe ndjekës, duke e kthyer këtë lajm në një nga momentet më të bukura të showbiz-it shqiptar. Për Mario Veshajn dhe Kristina Meren, kjo është pa dyshim një periudhë e mbushur me dashuri, emocione dhe fillime të reja.