MEL B JEP SHPRESA PËR RIBASHKIMIN E SPICE GIRLS NË 30-VJETORIN E ALBUMIT “SPICE”

Mel B, e njohur si “Scary Spice”, ka ngjallur entuziazëm te fansat duke dhënë shenja për një ribashkim të mundshëm të grupit legjendar Spice Girls, në prag të 30-vjetorit të albumit debutues “Spice”, i publikuar në vitin 1996.

Në një intervistë për New York Post, këngëtarja 50-vjeçare tha se edhe pse nuk ka plane konkrete, bisedat për rikthimin kanë qenë të pranishme:

“Shpresoj shumë,” tha ajo, kur u pyet nëse planifikohet ndonjë projekt për përvjetorin. “Janë diskutuar shumë gjëra mes nesh, por asgjë s’është vendosur përfundimisht.”

Ajo shtoi se nuk dëshiron të konfirmojë asgjë derisa të jetë gati për publikun, por nuk e përjashtoi mundësinë e një rezidence në Las Vegas, të ngjashme me atë të Backstreet Boys: “Po, kjo është ide shumë e mirë,” u shpreh Mel B.

Spice Girls u shfaqën për herë të fundit së bashku në skenë në vitin 2012, gjatë ceremonisë përmbyllëse të Lojërave Olimpike në Londër. Më vonë, në vitin 2019, ato u rikthyen në një turne të suksesshëm, pa Victoria Beckham, e cila vendosi të fokusohet tek moda.

Ndërkohë, në prill 2024, të pesë anëtaret u panë sërish bashkë në festën e 50-vjetorit të Victoria Beckham, ku kënduan “Mama” dhe “Stop”, duke ringjallur shpresat e fansave për një ribashkim të plotë.