MOBILJET DHE VESHJET E PERDORURA NE SERIALIN “FRIENDS” DO DALIN NE ANKAND

Një pjesë e historisë së televizionit mund të jetë e juaja… disa rekuizita të njohura nga seti i “Friends” do të dalin në ankand në nder të 30-vjetorit të sit-komit.

Julien’s Auctions po organizon një ngjarje ekskluzive më 23 Shtator në Los Angeles që me siguri do të çmendë çdo fans të “Friends”, duke ofruar një gamë të gjerë artikujsh nostalgjikë. Artikujt në ankand përfshijnë një kopje të divanit të famshëm portokalli të Central Perk, skenarë, veshje të mbajtur nga yjet Courteney Cox dhe Jennifer Aniston, një tabelë e Central Perk, xhaketën me dantellë të Lisa Kudrow, mobilie nga apartamenti i David Schwimmer dhe një nga pulovrat karakteristike të Matthew Perry.

Ndërsa shumica e koleksionit duket se janë kopje të artikujve realë, të mbrojtura ndoshta diku në depozitë e Warner Bros. Studios, ka disa pjesë të veçanta të drejtpërdrejta nga seti që do të dalin në ankand, përfshirë kostumet e mbajtur nga yjet e ftuar si Christina Applegate, Bruce Willis, Paul Rudd, Winona Ryder dhe anëtari i ndjerë i kastit, James Michael Tyler. Ne gjithashtu presim që disa fansa të bëjnë oferta të mëdha për pulovrën e kashmirit të kaltër të mbajtur nga Perry, që luajti komedianin Chandler në “Friends” dhe ndërroi jetë në tetorin e kaluar në moshën 54-vjeçare. Ankandi, që do të mbahet në bashkëpunim me Warner Bros., bie menjëherë pas një date shumë të veçantë për sitkomin e NBC-së. “Friends” u shfaq për herë të parë më 22 Shtator 1994, duke u bërë një nga shfaqjet më të dashura të rrjetit, duke e përfunduar pas 10 sezonësh në Maj 2004. E gjithë koleksioni është i disponueshëm për një shikim online përpara se të fillojnë ofertat muajin tjetër.