Rock, Festë dhe Atmosferë – Rubin Kaso ndez studion

Sot në Radio Wave ishte i ftuar një prej emrave më energjikë të skenës live, këngëtari dhe muzikanti Rubin Kaso, i cili ndau me publikun atmosferën e ngjeshur të kësaj periudhe festive. Rubini, një showman i lindur dhe një rocker i vërtetë, tregoi se ditët para festave janë gjithmonë maratonë eventesh, sidomos për artistët që performojnë live.

Ai theksoi se kompanitë shqiptare po bëjnë maksimumin për të organizuar mbrëmje sa më të bukura festive – duke nisur nga darkat e fundvitit, eventet e stafit, e deri tek festivalet tematike. Sipas tij, ky është një sezon ku artistët janë më afër publikut se kurrë.

Rubini rrëfeu se 28 Nëntori e gjeti me dy evente të mëdha, të dyja të dedikuara festimeve të Pavarësisë – njëri në ambient të hapur dhe tjetri për inaugurimin e një projekti të ri. Të dy performancat kishin një emocion të veçantë, pasi publiku shqiptar di ta festojë fort këtë ditë.

“Këngët shqiptare i bëjnë njerëzit jo vetëm të këndojnë, por edhe të hedhin para!” – tha ai me humor, duke treguar se repertori kombëtar është gjithmonë pikë e fortë në mbrëmje, sidomos në festa zyrtare dhe organizime të kompanive.

Gjatë transmetimit, Rubini i surprizoi dëgjuesit duke kënduar live disa prej këngëve të tij të preferuara, duke sjellë në studio energjinë që e karakterizon në çdo skenë. Publiku i Radio Wave e priti me duartrokitje virtuale, ndërsa atmosfera u kthye në një mini-koncert festiv.

Rubin Kaso vazhdon të mbetet një prej artistëve më të kërkuar të sezonit të fundvitit, duke sjellë kudo muzikë, ritëm dhe rock’n’roll shqiptar.

Në Radio Wave – festa sapo ka filluar.