tronditet SHOWBIZi TURK! POLICIA ZË NË BEFASI VIP-AT MË TË NJOHUR — HADISE PËRFUNDON NË LISTËN E HETUARVE PËR DROGË!

Industria e argëtimit në Turqi është tronditur nga një skandal i bujshëm që ka marrë përmasa kombëtare, pas një bastisjeje të gjerë policore në Stamboll që kishte për qëllim zbulimin e përdorimit të mundshëm të lëndëve narkotike nga figura të njohura publike.

Operacioni, i organizuar nga policia turke në bashkëpunim me Zyrën për Luftimin e Krimeve Narkotike, përfshiu 19 emra të njohur të showbiz-it turk, përfshirë këngëtarë, aktorë, prezantues dhe influencues të famshëm. Të gjithë janë thirrur për marrje në pyetje dhe i janë nënshtruar analizave të gjakut, ndërkohë që deri tani nuk është ngritur asnjë akuzë zyrtare.

Në qendër të hetimeve ndodhen disa prej figurave më të ndritura të skenës artistike turke. Hadise Açıkgoz, këngëtarja që përfaqësoi Turqinë në Eurovision 2009 me superhitin “Dum Tek Tek”, është një ndër emrat më të përfolur të listës.

E lindur në Belgjikë dhe e njohur për karrierën e saj të suksesshme si një nga ikonat e muzikës pop turke, Hadise është parë nga fansat si një figurë e pastër dhe energjike, gjë që e bën këtë përfshirje të mundshme edhe më befasuese.

Përveç saj, në listën e personave të thirrur për hetim përfshihen edhe Ziynet Sali, Kubilay Aka, Kaan Yıldırım, Mert Yazıcıoğlu, Metin Akdülger, Ceren Moray, Özge Özpirinçci, si dhe çifti i njohur Engin dhe Dilan Polat, të cilët kanë qenë në qendër të polemikave edhe më parë, si dhe avokatja e njohur Feyza Altun.

Ky operacion është cilësuar nga mediat turke si një nga hetimet më të mëdha ndaj figurave publike në vend gjatë dekadës së fundit, dhe pritet që ditët në vijim të zbardhin më shumë detaje për rezultatet e analizave dhe për mundësinë e ngritjes së akuzave.

Ndërkohë, rrjetet sociale janë mbushur me reagime, ku fansat ndahen mes habisë dhe zhgënjimit:

“Nuk e besoj që Hadise mund të jetë përfshirë në diçka të tillë.”
“Showbiz-i turk po kalon një tronditje të madhe!”
“Kjo do të lërë gjurmë për vite me radhë.”

Të gjitha sytë janë tani nga autoritetet, që pritet të sqarojnë nëse ky është një rast i izoluar apo fillimi i një hetimi edhe më të gjerë në botën e famës dhe glamurit turk.