Zhduken fotot e Harry-t dhe Meghan-it nga Instagrami i Kim Kardashian
Written by radio wave on November 13, 2025
Një detaj i çuditshëm ka tërhequr vëmendjen e mediave dhe fansave: fotot e Princ Harry-t dhe Meghan Markle të bëra gjatë festës së 70-vjetorit të Kris Jenner janë fshirë pa shpjegim nga llogaria e Kim Kardashian-it në Instagram.
Çifti mbretëror ishte parë plot buzëqeshje jashtë rezidencës së Jeff Bezos, ku u mbajt festa, por imazhet që i tregonin ata brenda eventit janë zhdukur në mënyrë misterioze.
Ndër fotot e fshira përfshiheshin pamje ku Meghan pozonte pranë Kim-it, ndërsa në sfond shihej Harry duke biseduar me të ftuarit. Një tjetër foto tregonte Meghan-in duke vendosur dorën mbi shpatullën e Kris Jenner-it, teksa Harry bënte një fytyrë qesharake.
Fansat reaguan menjëherë në Reddit, duke vënë në dukje zhdukjen e imazheve. “Pse i fshinë? I pamë në festë!”, shkroi një përdorues, ndërsa të tjerë theksuan se “interneti nuk harron” dhe se është e pazakontë që një çift kaq i famshëm të “zhduket” nga një ngjarje publike e tillë.
Deri më tani, as Kim Kardashian dhe as përfaqësuesit e çiftit Harry dhe Meghan nuk kanë dhënë ndonjë koment për arsyen e këtij veprimi.
