E dashura në Prishtinë natën e finales, Klodian Mihaj flet hapur për raportin dhe pëlqimin për Elijonën

Pas mbylljes së aventurës në shtëpinë më të famshme në vend, vëmendja është zhvendosur tek jeta personale e Klodian Mihajt. Në “Post Big Brother”, ai ka zbuluar një detaj që ka ngritur shumë pikëpyetje: partnerja e tij italiane kishte udhëtuar drejt Prishtinës pikërisht në ditën e finales.

Sipas tij, ajo kishte qëndruar në të njëjtin hotel dhe kishte ardhur e shoqëruar nga familja. Një lëvizje që nuk kaloi pa u komentuar, sidomos në një moment kaq të ndjeshëm për ish-banorin.

Klodiani tregoi se mes tyre ka pasur komunikim pas përfundimit të spektaklit. Ai theksoi se aktualisht ndjen nevojën për pak hapësirë dhe kohë për veten, duke lënë të kuptohet se situata mes tyre nuk është plotësisht e qetë. Ai pranoi gjithashtu se ajo ishte shfaqur disi e bezdisur, ndërsa konfirmoi se janë takuar gjatë qëndrimit të saj në Kosovë.

E ardhmja e këtij raporti mbetet e paqartë. A do të gjejnë rrugën për të vijuar bashkë apo kjo histori do të mbyllet përfundimisht? Pyetja mbetet pezull.

Nga ana tjetër, Klodiani pranoi edhe një detaj tjetër që ka zgjuar kureshtje: gjatë qëndrimit në shtëpi kishte ndjerë një pëlqim për Elijonën, por kishte zgjedhur të mos e shprehte hapur. Një rrëfim që shton edhe më shumë intrigë në panoramën e tij sentimentale pas përfundimit të spektaklit.