Babai i ri në Serie A: Zhegrova mirëpret djalin e parë

Një lajm i gëzueshëm ka ardhur nga jeta personale e futbollistit shqiptar Edon Zhegrova. Ylli i futbollit, që aktualisht është pjesë e gjigantit italian Juventus, është bërë baba për herë të parë.

Vetë klubi italian e bëri publik lajmin përmes një postimi në rrjetet sociale, duke uruar futbollistin për ardhjen në jetë të fëmijës së tij. Në mesazhin e publikuar, Juventus i dërgoi urimet Zhegrovës për lindjen e djalit të tij, i cili është pagëzuar me emrin Mars.

Sipas informacioneve të deritanishme, emri i vogëlushit lidhet me muajin mars, periudhë në të cilën ai erdhi në jetë. Ky detaj duket se ka qenë frymëzim për zgjedhjen e emrit nga futbollisti dhe partnerja e tij.

Ndryshe nga jeta e tij profesionale që është gjithmonë në qendër të vëmendjes, partnerja e Zhegrovës ka zgjedhur të qëndrojë larg syrit të mediave. Ajo mban një profil të ulët publik dhe rrallëherë shfaqet në publik apo në rrjetet sociale.

Lindja e djalit shënon një moment të veçantë për futbollistin shqiptar, i cili tashmë po përjeton një nga emocionet më të mëdha të jetës – atë të prindërimit – krahas karrierës së tij në nivelet më të larta të futbollit europian.