Gjesti para gjykatës sot

Në Gjykatën Themelore në Prishtinë pritet të mbahet sot seanca e parë dëgjimore ndaj këngëtarit Besart Kelmendi, i njohur për publikun me emrin artistik Gjesti.

Artisti u ndalua të mërkurën nën dyshimin për tri vepra penale: armëmbajtje pa leje, kanosje dhe dëmtim të pasurisë.

Zëdhënësja e Gjykatës Themelore në Prishtinë, Mirlinda Gashi, ka konfirmuar se Prokuroria Themelore ka dorëzuar kërkesë për caktimin e masës së paraburgimit ndaj tij.

Seanca dëgjimore për shqyrtimin e kësaj kërkese pritet të zhvillohet sot duke filluar nga ora 09:30.