Bebe Rexha shpërthen në EDM: “Female Icon Award 2026” dhe një mesazh që po bën xhiron e rrjetit
Written by radio wave on April 2, 2026
Bebe Rexha është shpërblyer me çmimin “Female Icon Award 2026” nga EDMAwards, një vlerësim i rëndësishëm për kontributin e saj në muzikën dance dhe ndikimin që ka në skenën ndërkombëtare. Artistja e ndau lajmin me ndjekësit në Instagram, ku publikoi një video nga momenti kur pranon trofeun, duke u shfaqur e emocionuar.
Në fjalimin e saj, ajo falënderoi fansat për mbështetjen gjatë gjithë karrierës dhe komunitetin e muzikës elektronike që e ka pranuar dhe përkrahur. Rexha theksoi se muzika dance ka qenë për të një arratisje dhe terapi, duke e konsideruar një pjesë të pandashme të jetës së saj.
Në të njëjtën kohë, këngëtarja promovoi edhe projektin e saj më të ri “New Religion”, në bashkëpunim me grupin Faithless. Ky çmim vjen si një tjetër sukses në karrierën e saj, duke konfirmuar rolin e saj si një nga figurat më të rëndësishme në muzikën euro-dance.
