Zhaku dhe Kostana Morava trazojnë fermën, emri i Mozës ndez debat
Written by radio wave on May 12, 2026
Vetëm pak ditë nga hyrja e tyre në “Ferma VIP”, Zhaku dhe Kostana Morava duket se kanë ndryshuar balancat brenda shtëpisë, duke sjellë diskutime, dyshime dhe jo pak tension mes fermerëve.
Që në momentet e para, dy konkurrentet e reja nuk e fshehën admirimin për Mimoza Ahmeti, duke u afruar menjëherë me të dhe duke krijuar një raport që nuk kaloi pa u komentuar nga pjesa tjetër e grupit.
Vetë Moza u shfaq e rezervuar, duke lënë të kuptohet se preferon t’i njohë njerëzit pa paragjykime dhe pa nxituar në krijimin e aleancave. Megjithatë, afrimiteti i menjëhershëm i vajzave ka ngritur pikëpyetje te disa prej fermerëve.
Ilir ishte ndër të parët që reagoi, duke lënë të kuptohet se askush nuk duhet të hyjë në lojë duke ndjekur modelin e dikujt tjetër, por duhet të krijojë identitetin e vet.
Edhe Sara Karaj nuk i kurseu komentet, duke deklaruar se hyrja e tyre ka ardhur me shumë vrull dhe se afrimiteti me Mozën mund të jetë një përpjekje për të marrë vëmendjen që ajo ka fituar jashtë.
Ndërkohë, Soni Malaj bëri një deklaratë që nuk kaloi pa u vënë re. Sipas saj, Zhaku që publiku po sheh brenda fermës nuk është i njëjti personazh që ajo njeh nga jashtë, duke lënë të kuptohet se loja sapo ka nisur dhe surprizat janë ende përpara.
