Ish-finalistja e “Big Brother VIP Kosova 4”, Elijona, ka vendosur t’u japë fund thashethemeve që kanë qarkulluar prej javësh për raportin e saj me Klod.

Në një intervistë të fundit, ajo tregoi se marrëdhënia mes tyre vazhdon të jetë e afërt edhe pas përfundimit të reality show-t, por jo në një nivel romantik. Elijona u shpreh se e vlerëson Klodin si shok dhe se mes tyre ka ende respekt e komunikim të mirë, njësoj si gjatë kohës në shtëpinë më të famshme në Kosovë.

Ajo la të kuptohet se secili po merret me jetën dhe prioritetet personale, duke shtuar se mendimi që ka për Klodin nuk ka ndryshuar aspak që nga eksperienca në BBVK.

Ndërkohë, ish-banorja reagoi edhe ndaj aludimeve për një fejesë të mundshme. Sipas saj, janë vetëm fjalë që kanë qarkulluar në rrjet dhe nuk ka asgjë të vërtetë pas tyre.