Londrim Mekaj publikon “My Baby”, Dolce surprizon në videoklip

Pas fitores në edicionin e katërt të Big Brother VIP Kosova, Londrim Mekaj po vazhdon të zhvillojë karrierën e tij në muzikë. Ish-banori ka prezantuar së fundmi projektin e ri muzikor me titull “My Baby”, i shoqëruar edhe me një videoklip të realizuar enkas për këngën.

Ajo që ka tërhequr më shumë vëmendje është pjesëmarrja e Dolce-s, një prej ish-banoreve të të njëjtit edicion të reality show-t. Në videoklip, ajo shfaqet në disa skena mjaft provokuese, duke i dhënë projektit një atmosferë më dinamike dhe tërheqëse.

Kimia mes dy protagonistëve është e dukshme gjatë gjithë videos, ndërsa momenti që ka ngjallur më shumë reagime te publiku vjen në fund të klipit, kur Londrimi dhe Dolce shkëmbejnë një puthje para kamerës.

Publikimi i “My Baby” ka nisur menjëherë të komentohet në rrjetet sociale, me fansat që po diskutojnë jo vetëm për këngën, por edhe për raportin mes dy ish-banorëve të Big Brother VIP Kosova.