Eurovision hap dyert për Kanadanë! Një tjetër shtet i bashkohet garës nga viti 2027

Eurovision po zgjeron kufijtë edhe më tej. Kanadaja është bërë zyrtarisht e pranueshme për të marrë pjesë në festivalin më të madh muzikor europian duke nisur nga viti 2027, pas anëtarësimit të transmetuesit publik CBC/Radio-Canada si anëtar i plotë i European Broadcasting Union (EBU).

Vendimi është miratuar gjatë Asamblesë së 96-të të EBU-së në Pragë dhe i hap rrugën Kanadasë që të debutojë në skenën e Eurovisionit, një lëvizje që pritet të sjellë edhe më shumë vëmendje ndërkombëtare për kompeticionin.

Lajmi ka ndezur menjëherë diskutimet mes fansave, pasi Eurovision ka zgjeruar edhe më parë hartën e pjesëmarrësve me vende jashtë Evropës, si Australia dhe Izraeli. Megjithatë, ky zgjerim vjen në një periudhë sfiduese për festivalin, i cili vitet e fundit është shoqëruar me debate politike dhe bojkote nga disa vende.

Sipas drejtuesve të EBU-së, përfshirja e Kanadasë synon të forcojë bashkëpunimin mes transmetuesve publikë dhe të rrisë shkëmbimin kulturor mes Evropës dhe Amerikës së Veriut. Ndërkohë, edicioni i vitit 2026 pritet të zhvillohet me rreth 35 vende pjesëmarrëse, ndërsa disa shtete ende nuk e kanë konfirmuar praninë e tyre.

Kujtojmë se fituese e Eurovision 2026 u shpall Bullgaria, e përfaqësuar nga këngëtarja Dara, ndërsa tani vëmendja është zhvendosur te debutimi i mundshëm i Kanadasë në një nga skenat më të ndjekura muzikore në botë.