Ylli i radhës për Lil Wayne në hollywood walk of fame 2027

Lil Wayne do të shkruajë një tjetër kapitull të rëndësishëm në karrierën e tij, pasi është përzgjedhur për të marrë një yll në Hollywood Walk of Fame gjatë vitit 2027. Ky vlerësim e vendos reperin mes emrave më të mëdhenj të industrisë së argëtimit që do të nderohen vitin e ardhshëm.

Lajmi e ka surprizuar edhe vetë artistin. Në një reagim në rrjetet sociale, Lil Wayne tregoi se fillimisht mendoi se ishte një shaka nga vëllai i tij, derisa kuptoi se nderimi ishte zyrtar. Ai nuk e fshehu emocionin për këtë moment, duke e cilësuar si një arritje të jashtëzakonshme.

Pas më shumë se dy dekadash në skenën e hip-hopit, me dhjetëra hite, albume të suksesshme dhe një ndikim të madh te brezat e rinj të artistëve, Lil Wayne konsiderohet një nga figurat më të rëndësishme të rap-it amerikan.

Ceremonia e zbulimit të yllit do të zhvillohet gjatë vitit 2027 në Hollywood, duke e bërë Lil Wayne pjesë të një prej simboleve më prestigjioze të industrisë së argëtimit.