SHKODRA ELEKTRONIKE TRIUMFON NE FESTIVALIN E 63 TE KENGES

Mbrëmjen e së dielës, Festivali Këngës në Radio Televizionin Shqiptar (RTSH) ka mbajtur natën finale, ku 15 finalistë të talentuar konkurruan për çmimin e madh. Ky eveniment, i cili është një ngjarje e rëndësishme për muzikën shqiptare, ka kulmuar me një atmosferë emocionuese dhe performanca të veçanta.

Grupi “Shkodra Elektronike”, me këngën “Zjerm”, u kurorëzua fitues i Festivalit të Këngës dhe do të përfaqësojë Shqipërinë në kompeticionin prestigjioz të muzikës, Eurosong 2025, që do të mbahet vitin e ardhshëm në Zvicër. Grupi “Shkodra Elektronike”, i përbërë nga këngëtaret Beatriçe Gjergji dhe Kolë Laca, rrëmbeu zemrat e jurisë dhe publikut me performancën e tyre të fuqishme dhe të veçantë.

Gjithashtu, fituesit e çmimeve kryesore të festivalit ishin:

– Çmimi i Kritikës: “Zjerm” nga Shkodra Elektronike
– Çmimi për tekstin më të mirë: “Lutem” nga Vesa Smolica
– Çmimi i tretë: “Mjegull” nga Alis
– Çmimi i dytë: “Karnaval” nga Elvana Gjata
– Çmimi i parë: “Zjerm” nga Shkodra Elektronike

Në këtë edicion, nata finale ishte një festë e vërtetë e muzikës dhe pasionit. Performancat e artistëve të ftuar dhe atmosfera e ngrohtë krijuan një mbrëmje të paharrueshme, që e shpalli Shkodra Elektronike si fituese të festivalit dhe përfaqësuese të Shqipërisë në Eurosong 2025. Të gjithë artistët e paraqitur këtë vit sollën shfaqje të jashtëzakonshme, duke reflektuar kreativitetin dhe kulturën muzikore të Shqipërisë.

Tani, “Shkodra Elektronike” do të përgatitet për sfidën më të madhe të vitit, ku do të përfaqësojë Shqipërinë në Eurosong dhe do të konkurrojë me artistë të tjerë nga e gjithë Evropa, duke synuar suksesin në këtë kompeticion ndërkombëtar.