TOM HANKS ALARMON FANSAT, JA ARESYEJA…

Shëndeti i Tom Hanks është bërë një shqetësim për fansat e tij pas një shfaqjeje në programin e njohur “Saturday Night Live”, ku aktori i njohur u vërejt se kishte duar që dridheshin gjatë një prej paraqitjeve të tij. Shikuesit që ndoqën shfaqjen shpërndanë menjëherë shqetësimin e tyre në rrjetet sociale, duke shprehur pasiguri për gjendjen e tij fizike.

Në reagimet e tyre, ata vënë në dukje se duarve të aktorit, i cili është 67 vjeç, po iu dridhshin më shumë se zakonisht. “A i dridhet dora Tom Hanks?”, shkruajti një prej ndjekësve në Twitter, ndërsa një tjetër shtoi: “E vura re edhe unë. Dhe tani jam i shqetësuar.” Disa fansa theksuan se kishin vënë re simptoma të ngjashme edhe në shfaqje të tjera, si në programin e Graham Norton, ku aktori kishte marrë pjesë më parë. Një koment tjetër vuri në dukje moshën e tij, duke thënë: “Duhet të keni parasysh se ai është pothuajse 70 vjeç, kjo ndodh shpesh me njerëzit e moshuar.”

Kjo nuk është hera e parë që shëndeti i Tom Hanks ka shkaktuar shqetësim tek fansat. Gjatë premierës botërore të filmit të tij të fundit për Elvis Presley-n në Sydney, Australi, aktori u pa duke u munduar të fshehë dridhjen e duarve gjatë një fjalimi në skenë. Kjo ngjarje kishte tërhequr vëmendjen e mediave dhe u shoqërua me spekulime mbi mundësinë e një sëmundjeje degjenerative.

Mjeku i njohur, Stuart Fischer, komentoi atëherë për mundësinë që Tom Hanks të kishte një sëmundje si Parkinsoni. “Sëmundja e Parkinsonit do të ishte në krye të mendjeve të shumicës së mjekëve. Një dorë e dridhur mund të jetë një shenjë e hershme e sëmundjes”, shpjegoi ai. Fischer shtoi se një simptomë e tillë mund të kalojë pa u vënë re për një kohë të gjatë, siç ndodhi me dirigjentin e famshëm James Levine, i cili kishte dridhje të këmbës për shumë vite para se ato të bëheshin më të dukshme.

Pavarësisht shqetësimeve të fansave, asnjë informacion zyrtar për shëndetin e Tom Hanks nuk është publikuar ende. Aktori është një nga figurat më të dashura të kinemasë dhe karriera e tij ka ndikuar thellësisht në kulturën popullore, ndaj shqetësimi i fansave është krejt i natyrshëm. Të gjithë shpresojnë që Hanks të vazhdojë të mbetet në formë dhe të kalojë çdo sfidë shëndetësore që mund të ndodhin në vitet e ardhshme.