NETFLIX KONFIRMON DATËN E PREMIERËS PËR SEZONIN E TRETË TË “SQUID GAME”

Netflix ka konfirmuar zyrtarisht në rrjetet e tij sociale se sezoni i tretë i serialit të njohur “Squid Game” do të publikohet premierë më 27 qershor. Ky lajm ka sjellë gëzim të madh tek fansat e këtij seriali, të cilët po prisnin me padurim zhvillimet e reja pas përfundimit të sezonit të dytë.
Sezoni i dytë i “Squid Game” filloi transmetimin më 26 dhjetor të vitit të kaluar, dhe, duke gjykuar nga data e publikimit të sezonit të tretë, duket se fansat e serialit nuk do të duhet të presin shumë gjatë për të parë vazhdimin e ngjarjeve emocionuese.

Megjithatë, deri tani nuk janë zbuluar shumë detaje për skenarin e sezonit të tretë. Supozohet se historia do të vazhdojë menjëherë pas përfundimit të episodit të shtatë të sezonit të dytë, duke e bërë përjetimin akoma më intrigues për adhuruesit e këtij fenomeni.
Në këtë sezon të ri, do të kthehen disa nga aktorët e njohur, përfshirë Lee Jung-jae, Park Gyu-young, Jo Yu-ri, Kang Ae-sim, Yang Dong-geun dhe Lee Byung-hun. Përveç datës zyrtare të premierës, Netflix ka shpërndarë edhe fotografitë e para nga xhirimet e sezonit të ri, duke ushqyer edhe më tej kureshtjen e fansave.

Reagimet e fansave pas njoftimit të Netflix ishin të ngrohta dhe plot entuziazëm. “Ky është një nga serialet që nuk mund të ndaloja së shikuari. Më vjen keq që seriali përfundon me sezonin e tretë,” tha një fans. Të tjerë shprehnin optimizmin e tyre duke thënë: “Të dy sezonet ishin të shkëlqyera, besoj se do të jetë kështu edhe me të tretin” dhe “Vetëm edhe pak muaj dhe më pas fillon e vërteta, mezi po pres.”
Autori i serialit, Hwang Dong-hyuk, theksoi se sezoni i tretë do të jetë e ngjashme me sezonin e dytë, duke shtuar se ai gjithmonë e kishte parashikuar këtë si një histori të një vazhdimësie. “Nuk kam ndonjë arsye të veçantë për këtë, përveç se në fillim e imagjinoja të gjithë këtë si një serial, kështu që sezoni i dytë dhe i tretë ishin pjesë e një historie të vetme,” përfundoi ai.

Duhet theksuar se sezoni i dytë i “Squid Game” arriti një sukses të jashtëzakonshëm, duke u shikuar mbi 126 milionë herë në vetëm 11 ditë nga premiera, duke e bërë atë një nga serialet më të suksesshme në historinë e Netflix. Me këtë entuziazëm dhe interes të madh nga audienca, sezoni i tretë pritet të sjellë përvoja të reja dhe emocione të papritura për fansat e “Squid Game”.