NDërron JETË vëllai i gjestit

Një aksident tragjik trafiku ka ndodhur së fundmi në afërsi të fshatit Qungur, në komunën e Pejës, ku për pasojë një person ka humbur jetën dhe një tjetër është plagosur rëndë.

Sipas burimeve lokale, viktima është identifikuar si Eldion Kelmendi, i cili dyshohet të jetë vëllai i reperit të njohur nga Peja, Gjesti. Ngjarja ka tronditur banorët e zonës, sidomos fshatin Treboviq, ku jeton familja e viktimës.

Raportimet e para bëjnë të ditur se Eldioni ka ndërruar jetë në vendin e ngjarjes për shkak të plagëve të rënda të shkaktuara nga përplasja. Ndërkohë, një tjetër banor i fshatit ka mbetur i plagosur rëndë dhe po merr trajtim mjekësor në Spitalin Rajonal të Pejës.

Autoritetet lokale dhe Policia e Kosovës ende nuk kanë dhënë një komunikatë zyrtare mbi shkaqet e aksidentit, ndërsa hetimet janë duke vazhduar për të sqaruar rrethanat e plota të ngjarjes.

Ky aksident ka sjellë një atmosferë të rënduar zie në komunitetin e Pejës, ku familja Kelmendi është e njohur dhe e respektuar, ndërsa humbja e Eldionit konsiderohet një goditje e rëndë për familjarët dhe të afërmit. Stafi i Radio Wave i shpreh ngushëllimet më të sinqerta familjes!