TAYLOR SWIFT, DUA LIPA DHE ARIANA GRANDE MBRETËRESHA TË SPOTIFY — LISTA E PLOTE E KËNGËTAREVE FEMRA ME MBI NJË MILIARD DËGJIME!

Spotify ka bërë publike një statistikë që po çmend fansat e muzikës në mbarë botën: mbi 60 këngëtare femra kanë tashmë të paktën një këngë me më shumë se 1 miliard dëgjime, por vetëm një pjesë e tyre kanë arritur ta përsërisin këtë sukses disa herë.

Në krye të listës, Ariana Grande mban fronin si artistja me më shumë këngë që kanë kaluar një miliard dëgjime — plot 21 hite, përfshirë “7 Rings”, “Thank U, Next” dhe “Into You”.

Pas saj vjen Taylor Swift, e cila në fillim të vitit 2023 nuk kishte asnjë këngë mbi këtë shifër, por sot renditet me 20 këngë miliardëshe — një rritje marramendëse që dëshmon fuqinë e saj globale dhe besnikërinë e fansave “Swifties”.

Në vendin e tretë ndodhet Rihanna, me 16 këngë që kanë kaluar një miliard dëgjime, duke dëshmuar se edhe pas shumë vitesh pa album të ri, ajo mbetet një forcë e pathyeshme në industrinë muzikore.

Ndërkohë, Billie Eilish vijon të mahnitë me 14 këngë miliardëshe, përfshirë superhitet “Bad Guy” dhe “What Was I Made For?”, ndërsa Dua Lipa është krenaria shqiptare e listës me plot 12 këngë që kanë kapërcyer kufirin e 1 miliard dëgjimeve në Spotify — një rekord i jashtëzakonshëm për një artiste që doli në skenë vetëm pak vite më parë.

Në mesin e emrave shqiptarë ndodhet edhe Bebe Rexha, me 4 këngë miliardëshe, përfshirë bashkëpunimin e saj global “I’m Good (Blue)”.

Latinot gjithashtu po dominojnë: Shakira dhe Karol G mbajnë rekordet si gratë latine me më shumë këngë mbi një miliard dëgjime, duke dëshmuar fuqinë botërore të muzikës në gjuhën spanjolle.

Nga ana tjetër, bota e K-Pop-it nuk mbetet pas — LISA dhe JENNIE nga BLACKPINK janë të vetmet artiste solo të këtij zhanri që kanë hyrë në “klubin e miliardëve” me hitet “MONEY” dhe “Popular”.

Në total, vetëm pesë këngëtare në botë kanë mbi 10 këngë që kanë kaluar një miliard dëgjime në Spotify:
Ariana Grande (21)
Taylor Swift (20)
Rihanna (16)
Billie Eilish (14)
Dua Lipa (12)

Suksesi më i fundit që i është bashkuar këtij klubi elitar është Doja Cat, me këngën e saj “You Right”, e cila u bë e teta në katalogun e saj që kap shifrën 1 miliard.

Një rekord pas tjetrit, vajzat e muzikës po e rimodelojnë historinë e pop-it modern — dhe duket se gara për fronin e Spotify-t sapo ka filluar!