Agon Amiga bëhet baba për herë të tretë

Një lajm i ëmbël ka ardhur nga jeta private e reperit shqiptar Agon Amiga. Ish-anëtari i “Babastars” është bërë baba për herë të tretë, duke mirëpritur në familje vajzën e tij të vogël, Aya.

Lajmin e gëzueshëm artisti e ka ndarë me ndjekësit në Instagram, ku ka publikuar një fotografi të vajzës së madhe pranë foshnjës së porsalindur. Përkrah imazhit, Agon Amiga ka shprehur emocionet për ardhjen në jetë të vajzës.

“Dy vajza, dy bekime, dy arsye më shumë për ta falënderuar Zotin çdo ditë”, ka shkruar ai, duke i uruar mirëseardhjen vajzës së vogël.

Aya bëhet kështu fëmija i tretë i reperit, i cili është gjithashtu baba i djalit Noel, gjashtë vjeç, dhe vajzës Emma, të ardhur në jetë vitin e kaluar.

Vitet e fundit, Agon Amiga ka zgjedhur të qëndrojë larg skenës dhe vëmendjes mediatike, duke iu përkushtuar më shumë jetës private. Artisti jeton në Gjermani dhe ka preferuar një jetë më të qetë pranë familjes.

Me ardhjen e Ayas, familja e reperit është zgjeruar edhe më shumë, ndërsa ky moment i veçantë ka sjellë një valë urimesh nga miqtë, kolegët dhe ndjekësit e tij.